Мәскеуде Қазақстан мен Ресейдің парламентаралық ынтымақтастығы мәселелері талқыланды
Қазақстанның Ресейдегі Елшісі Ермек Көшербаев ресейлік парламент өкілдерімен кездесулер өткізді.
Ресей Федерациясы Мемлекеттік Думасы Төрағасының орынбасары Шолбан Кара-оолмен Қазақстан-Ресей ынтымақтастығының кең ауқымды мәселелері талқыланды. Атап айтқанда, тараптар дипломатиялық қатынастардың орнағанына 30 жыл толуына орай қол жеткізілген сауда-экономикалық және мәдени-гуманитарлық өзара іс-қимылдың жоғары деңгейін атап өтті. Қараша айының соңында Орынборда өтетін Қазақстан мен Ресейдің өңіраралық ынтымақтастығы форумына дайындық барысына ерекше назар аударылды.
Ресей Федерациясы Мемлекеттік Думасының Ұлттар жөніндегі комитетінің төрағасы Геннадий Семигинмен кездесуде Қазақстан Республикасы Парламенті Мәжілісі мен Ресей Федерациясы Мемлекеттік Думасы арасындағы ынтымақтастық жөніндегі палатааралық комиссияның рөлі қарастырылды. Сондай-ақ, Ресей парламент өкілдерінің Қазақстан Президентінің алдағы сайлауына халықаралық бақылаушылар ретінде қатысу мәселелері қозғалды.
Кездесулер барысында екіжақты парламентаралық өзара іс-қимылдың оң динамикасы атап өтіліп, тараптар оны одан әрі кеңейтуге ықылас білдірді.