9-шы мамыр мерекесiне арналған құттықтау мәтiнi
Қазақстан Республикасының Ресей Федерациясындағы Елшілігі барша қазақстандықтар мен ресейліктерді Жеңіс күнімен құттықтайды!
Бұл жеңіс тек біздің елдеріміз үшін ғана емес, бүкіл адамзат үшін айрықша маңызға ие. Өйткені, әлем фашизм тұсауынан азат етілді.
Негізгі ауыр салмақ бұрынғы Кеңес Одағы халықтарының иығына түсті. Қазақстан жауға қарсы жеңісте ерекше үлес қосты.
6 мамырда Ұлы Жеңіс күні қарсаңында Санкт-Петербургте қазақ халқының мақтанышы, Кеңес Одағының батыры, снайпер қыз Әлия Молдағұловаға ескерткіш ашылды.
Сондай-ақ өткен жылы Тверь облысына қарасты Ржев қаласында қазақстандық сарбаздардан жасақталған 100-ші, 101-ші атқыштар бригадасына арналған Мемориал кешені күрделі жөндеу жұмыстарынан кейін қайта ашылды.
Біз ардагерлеріміз бен батырларымызды мақтан етеміз. Олардың ерлігі Отансүйгіштікке баулуда болашақ ұрпақ үшін үлгі-өнеге.
Мемлекетімізге бейбітшілік, еліміздің барша тұрғындарына денсаулық, бақыт пен толағай табыстар тілейміз!