Астанада өтетін V Дүниежүзілік көшпенділер ойындарына Татарстан мен Башқұртстан қатысады

Қазан, 2024 жылғы 5 қыркүйек – Қазақстан Республикасының Қазан қаласындағы Бас консулы Ерлан Ысқақов пен Қазақстан Республикасының Уфа қаласындағы Құрметті консулы Семён Пилюгин Астанада өтетін Дүниежүзілік көшпенділер ойындары қарсаңында Татарстан және Башқұртстан ұлттық құрамаларымен кездесті.

Командалар бірнеше спорт түрінен күш сынасады, оның ішіне қазақ күресі, корэш (татар белбеу күресі), ашыртмалы аба гюреши (түрік күресі), кураш (өзбек күресі), аударыспақ, жамбы ату және т.б.

Дипломаттар спортшыларды алдағы жарыстармен құттықтап, оларға әсерлі ойын тіледі. Олар Дүниежүзілік көшпенділер ойындарының миссиясы – этномәдениетті жаңғырту, дамыту және сақтау, этностар мен халықтар арасындағы толерантты қарым-қатынастарды нығайту үшін әлем этностары мен халықтарының бірегейлігін атап өтті.

Сонымен қатар, «Ұлы дала жорығы» халықаралық марафон – бәйгесіне ұлттық делегациялар қатысады және ғалымдар тобы, эстрада әртістері, халық қолданбалы өнер шеберлері және республикалық БАҚ өкілдері қатысады. Дүниежүзілік көшпенділер ойындарына Татарстан Республикасының Раисі Рустам Минниханов пен Башқұртстан Республикасының спорт министрі Руслан Хабибов қатысуы күтілуде.

V Дүниежүзілік көшпенділер ойындары биылғы 8-13 қыркүйекте Астанада өтеді және шараға 89 елдің 2500-ден астам қатысушылар қатысатыны күтілуде. Спорттың 21 түрінен 97 медаль жиынтығы сарапқа салып ойнатылады.