Қазақстан Республикасының Ресей Федерациясындағы Сауда өкілінің орынбасары тағайындалды
ҚР Үкіметінің қаулысымен Нұржан Қайыржанұлы Садықов Қазақстан Республикасының Ресей Федерациясындағы Сауда өкілінің орынбасары болып тағайындалды.
Нұржан Садықов 1983 жылы Қарағанды қаласында дүниеге келген.
2004 жылы Е.А. Бөкетов атындағы Қарағанды мемлекеттік университетінің экономика факультетін үздік бітірген.
Еңбек жолын банк жүйесінде бастады, онда 2005 жылдан 2011 жылға дейін шағын және орта бизнесті кредиттеу саласында жұмыс істеді.
2011 жылдан 2012 жылға дейін “Зерде” ұлттық инфокоммуникация холдингі” АҚ еншілес ұйымының тәуекел-менеджері ретінде жұмыс істеді.
2012 жылдан бастап 2019 жылға дейін Шығыс Қазақстан, Жамбыл және Алматы облыстары бойынша “Аграрлық кредит корпорациясы” АҚ филиалдарында басшылық қызметтерді атқарды.
Сауда өкілдігіне тағайындалғанға дейін “Алматы” ӘКК” АҚ еншілес ұйымында жұмыс істеді.
Үйленген, үш баласы бар.
Естеріңізге сала кетейік, Қазақстан Республикасы Үкіметінің 02.12.2020 жылғы № 812 қаулысымен бұрын Ресей Федерациясындағы Қазақстан Республикасы Сауда өкілінің орынбасары қызметін атқарған Еркен Исаханұлы Жақатаев берген өтінішіне сәйкес қызметінен босатылды.