Қазақстанның Қазан қаласындағы Бас консулы Ерлан Ысқақов Татарстанмен ынтымақтастықты кеңейту мәселесі бойынша іскер топтардың өкілдерімен келіссөздер жүргізді.
Қазақстандық бизнесмендер құрылыс техникасы, азық-түлік тауарлары саудасы, электротехника, сондай-ақ тоқыма өнімдері, мейрамхана бизнесі салаларындағы ынтымақтастықты кеңейтуге дайын екендіктерін көрсетті. Сонымен, “Альфа Хим” ЖШҚ, “Oazis events”, “Salta” сән үйі кәсіпорындары өз өкілдіктер ашады. Қазан қаласында Қазақстанның сауда үйін ашуға қызығушылық бар. Өз кезегінде Garipov Rest family, Petronica, NITEOS және т.б. компаниялары Алматы және Шымкент қалаларында өз бизнесін ашуға ниетті.
Татарстандық компанияларға Қазақстанның инвестициялық мүмкіндіктері, бизнес жүргізу жағдайларын одан әрі жақсарту және қолайлы инвестициялық ахуал жасау бойынша мемлекет қабылдап жатқан шаралар туралы толық ақпарат ұсынылды.