Іс-шараның ашылуында ҚР-ның Қазандағы Бас консулы Ерлан Ысқақов пен фильмнің режиссері Юлия Захарова сөз сөйлеп, бұл Татарстан мен Қазақстан кинематографистерінің алғашқы бірлескен жобасы екенін атап өтті. Картинаны “Almapictures” және “Татаркино” компаниялары сценарий, түсірілім және актерлер бойынша тең үлесте түсірген. Бұл картинаның шығуы Қазақстан Республикасы мен Ресей Федерациясы арасындағы дипломатиялық қатынастардың орнағанына 30 жыл толуына және “Алмачуар” туындысының авторы татар жазушысы Ғалымжан Ибрагимовтың 135 жылдығына тұспа-тұс келуі ерекше мәнге ие.
Картинаның көрсетілімі Қазан, Санкт-Петербург, Саранск, Самара, Орынбор, Уфа, Чебоксар, Энгельс, Пенза, Курск, Старый Оскол, Пермь, Саратов, Бузулук, Нижнекамск, Набережные Челны, Волгоград, Йошкар-Ола қалаларында өтеді.
Қазақстан-Татарстан фильмінің әлемдік премьерасы XVIII Қазан Халықаралық мұсылман кинофестивалі аясында өтті, картина көрермен көзаймы сыйлығына ие болды.